Presidenti i Ukrainës, Volodymyr Zelensky dhe ai rus, Vladimir Putin mund të zhvillojnë një takim kokë më kokë në ditët e ardhshme.
Ky lajm që ngre hipotezën e një takimi të mundshëm mes 2 presidentëve u bë i ditur nga zëdhënësi i Kremlinit, Dimitri Peskov. Ai tha se Kievi ka përsëritur kërkesën për të kryer negociata të drejtpërdrejta mes Putinit dhe Zelenskit.
“Tani kjo kërkesë po shqyrtohet nga Ministri i Jashtëm”, u shpreh Peskov.
Mësohet se Ukraina vazhdimisht paraqet propozime për negociata të drejtpërdrejta midis presidentit rus Vladimir Putin dhe homologut të tij ukrainas Volodymyr Zelensky. Këtë e ka bërë të ditur zëdhënësi i Kremlinit, Dmtry Peskov, cituar nga Tass.
Edhe vetë Zelensky ka deklaruar personalisht për një takim me Putin duke thënë se ai nuk do “ta kafshonte” nëse ky takim do të ndodhte.