Teksa ndaj disa nga ish-drejtuesve të UÇK-së ka nisur një proces gjyqësor në Dhomat e Specializuara të Gjykatës së Hagës, ministri i Diasporës, Pandeli Majko, i cili ka qënë kryeministër i Shqipërisë gjatë periudhës së luftës në Kosovë, tha në emisionin “Top Talk” se gjatë atyre viteve në Kosovë, nuk ka pasur luftë civile.
Majko theksoi se nuk mund të quhet luftë civile, ku të gjithë palët kishin si qëllim shpalljen e Kosovës shtet të pavarur.
‘Kanë qenë të gjithë bashkë. Mund të kishin diferenca për mënyrën se si do realizohej qëllimi,. Por qëllimi ka qenë 1, kjo duhet qartësuar. Lufta civile vjen kur dy palë kanë qëllime të ndryshme dhe mendojnë që fundi duhet të jetë i ndryshëm. Të gjitha palët në Kosovë donin që Kosova të çlirohej dhe të shpallej shtet i pavarur.’- u shpreh Majko.