Fenomeni i ”Big Brother Albania Vip 2” Luiz Ejlli u rikthye të shtunën në Prime e BBV3. Që në hyrje, moderatori Ledion Liço e pyeti se kë nga banorët e pëlqen, dhe ai tha me humor se pëlqen veç moderatorin! Më pas duke parë nga kamera, ai i dërgoi një puthje virtuale Kiarës.
Ai u shpreh për këngën më të re “KCE”, teksa tregoi më shumë për pritjen e vogëlushes me Kiarën. “Gjinekologu më tha, është i vetmi rast që s’ka nevojë për ADN. Dihet që është fëmija yt sepse kërcen”,-tha Luizi me humor. A ka gjetur dyshja një emër për bebin? Ja si shprehet Luizi: “Nuk do i thërras kurrë në emër, por zemra ime, shpirti im, princesha ime”.
Ledion Liço: Luizi nga sot është banori më i ri i BBVIP 3.
Luiz Ejlli: Tani fillon loja, mos lëvizin sa të marr valixhet.
Ledion Liço: U prenë fare.
Luiz Ejlli: Kam Kiarën te shtëpia se kisha ndenj. Jeni të mirë, vazhdoni. Kam firmosur një kontratë nuk më lejohet të them asgjë. Ju them me qejf se të gjithë jashtë i kanë bërë flokët tan si ju. Jeni shumë të mirë. Unë vetëm diçka do ju them. Qeshni sa më shumë.