Sot Kosova është në Zi Kombëtare, për të nderuar rreshterin Afrim Bunjakun që u vra mizorisht nga një grup terrorist nga Serbia në veriun e Kosovës.
Kreu i PD-së së vulës, Lulzim Basha thotë se jo vetëm Kosova, por çdo shqiptar sot është në zi për vrasjen në krye të detyrës së rreshterit të Policisë së Kosovës, Afrim Bunjaku.
”Jo vetëm Kosova por çdo shqiptar sot është në zi për vrasjen në krye të detyrës së rreshterit të Policisë së Kosovës Afrim Bunjaku. Nderim për jetë Afrim Bunjakut, dëshmorit më të ri në altarin e heronjve të Kosovës së lirë dhe sovrane në të cilën askush nuk mundet më të luajë me jetën, dinjitetin dhe sigurinë e qytetarëve të saj”,-shkruan Basha.