Polciai e Lushnjës ka vënë në pranga dy persona të cilët tentuan që të vidhnin një banesë. Mësohet se të arrestuarit janë shtetasit me inicialet Xh. M. dhe E. T., banues në Tiranë, për vjedhje të kryer në bashkëpunim, të mbetur në tentativë.
Dy hajdutët u kapën në flagrancë ndërsa tentonin që të vidhnin banesën e Sh. Ç. Në cilësinë e provës u sekuestruan dy çanta me vegla të ndryshme që autorët përdornin për të hapur me thyerje derën e banesës.
Po nga këto struktura u procedua penalisht shtetasi N. M., 30 vjeç, banues në Lushnjë, pasi nuk i është bindur urdhrit të punonjësve të Policisë për dhënien e dokumenteve të automjetit duke i kundërshtuar.