Mëngjesin e sotëm, një automjet tip Ford është djegur totalisht në hyrje të lagjes Savër të Lushnjes. Drejtuesi i mjetit që sillte punëtorët si çdo mëngjes, kishte parë të dilte tym nga pjesa e motorit.
Ai ka dalë nga mjeti fatmirësisht para se mjeti të digjej. Edhe pse me ndërhyrjen e menjëhershme të Zjarrfikësve pas njoftimit, nga mjeti nuk ka mbetur asgjë.
Fatmirësisht në momentin e konstatimit të zjarrit punëtorët nuk kishin hipur në mjet. Sipas të dhënave paraprake të policisë shkak dyshohet të ketë qenë një shkëndijë elektrike, pasi mjeti ishte i ndezur.