Presidenti i Venezuelës Nicolas Maduro përshëndeti sot si një “hap në drejtimin e duhur” lejen e qeverisë amerikane për gjigantin energjetik Chevron për të zgjeruar operacionet e tij në Venezuelë pavarësisht sanksioneve amerikane, por bëri thirrje për heqjen e plotë të tyre.
“Venezuela kërkon heqjen e plotë të sanksioneve ndaj industrisë së naftës”, tha presidenti Maduro në një konferencë shtypi, duke theksuar se masat e SHBA nuk ishin në përputhje me rregullat që rregullojnë tregtinë ndërkombëtare.
Javën e kaluar, Departamenti Amerikan i Thesarit autorizoi kompaninë amerikane Chevron për të rritur prodhimin e naftës dhe për të zgjeruar operacionet në Venezuelë, duke përshëndetur një marrëveshje midis qeverisë së Presidentit Maduro dhe opozitës për të financuar programe që do të plotësojnë nevojat sociale.