Sot në “Rudina” ka qenë i ftuar grimieri i njohur shqiptar Dario Doka për të folur për temën e dhunës së grave, nisur nga historitë tronditëse që kanë ndodhur së fundmi.

Make-up artisti Dario Doka ka treguar për herë të parë në ekran se babai i tij dhunonte nënën e tij për arsye banale.

Dario ka treguar se është rritur në një familje ku kishte vazhdimisht dhunë nga ana e babait dhe pavarësisht kësaj, ai ka reflektuar dhe nuk është bërë i dhunshëm si babai, por e do shumë femrën që sipas tij duhet të trajtohet si një mbretëreshë.

Make-up artisti Dario Doka: Ndjeja urrejtje pse jam mashkull, nena ime dhunohej

“Historia që unë e kam përjetuar vetë në shtëpi si shumica e familjeve shqiptare, dhunë nga babi. Unë jam fëmija i vogël, vjen vëllai dhe motra. Babi që unë kam pasur nuk pinte as alkool, as duhan, asnjë gjë dhe kemi një nënë shembullore që e njohin të gjithë që mbyllej në shtëpi dhe dhunohej vetëm për çështje pse nuk bleve bukë, pse nuk i hodhe ujë luleve, pse i fole komshiu. Ka ndodhur para shumë vitesh dhe unë kam pasur një marrëdhënie shumë të mirë me babin, dhe mami nuk ndahej dot se ishte ajo koha atëherë që “çfarë do thonë komshinjtë”.

“Kemi qenë ne të tre që i kemi thënë mamit, nëse ti nuk ndahesh, ne do ikim nga shtëpia sepse nuk duam të shohim më dhunë. Kjo gjë nuk më ka bërë që unë të shikoj dhunë dhe të bëhem i dhunshëm, por kam reflektuar”, është shprehur Dario.

PËRGJIGJU

Please enter your comment!
Please enter your name here