Janë të shumtë ata që thonë se të shkosh në plazh me makijazh në fytyrë është e dëmshme për lëkurën, por duket sikur vitet e fundit vajzat besojnë se një make-up i lehtë e natyral buzë detit nuk lëndon askënd dhe në fakt mirë besojnë pasi edhe shkenca i mbeshtet.
Sipas një studimi të fundit, vajzat që vendosin tualet në plazh janë më të mbrojtura se të tjerat. Ekspertët thonë se tashme makeup-i në plazh ju mbron lëkurën më shumë , por vetëm nëse ndiqni këto këshilla:
1. Gjëja më e rëndësishme është të hidratoni lëkurën me bazë produktesh me një teksturë të lehtë.
Kremi pudër duhet të jetë një produkt i studiuar për plazh, me mbrojtje të lartë, ti rezistojë nxehtësisë dhe diellit. Shmangini produktet shumë të yndryshme, më të mirë janë ata që aplikohen më lehtë. Mos përdorni produkte pluhur.
2. Produktet kozmetike që përdorni për sytë duhet të jenë cilësore dhe kundër ujit.
Kujdes me rimelin, duhet të jetë rezistent ndaj ujit dhe shmangni përdorimin e lapsit pasi nuk është rezistent ndaj ujit. Pra fokusohuni tek një efekt natyral me nuanca kremoze.
3. Kur është fjala për buzët mendojmë se janë më pak të rëndësishmet.
Por buzët janë një pikë delikate që thahen lehtësisht. Këshillohet të zgjidhni një shkëlqyes hidratues me një faktor të mirë mbrojtës. Nëse nuk hiqni dot dorë nga përdorimi i buzëkuqëve zgjidhni një që të ketë nuanca të lehta dhe të ketë faktor mbrojtës.