Një aksident ka ndodhur para pak minutash në kryeqytet. Një automjet tip “Audi” ka përplasur një fëmijë rreth 10 vjeç.
Ngjarja ka ndodhur teksa nëna me tre fëmijët po kalonte rrugën. Për pasojë mjeti, i cili udhëtonte nga ura e “Pallatit me Shigjeta” në drejtim të “Vasil Shantos”, ka kapur njërin prej tyre.
Është dashur ndërhyrja e kalimtarëve për të nxjerrë fëmijën poshtë gomave të makinës ku ishte bllokuar.
Ai aktualisht është në spitalin e Traumës nën përkujdesje mjekësore, ndërsa policia ndodhet në vendngjarje dhe po kryen veprimet hetimore.