Një ngjarje e rëndë është shënuar paraditen e kësaj të enjteje në Berat. Automjeti aksidenton për vdekje 3-vjeçarin dhe largohet nga vendi i ngjarjes.
Aksidenti ka ndodhur në fshatin Drenovicë, ku shtetasi A.H, 48 vjeç, banues në Ura Vajgurore duke drejtuar mjetin tip “Benz” ka goditur fëmijën 3 vjeç, i cili ka humbur jetën.
Disa orë pas aksidentit, policia bëri të mundur identifikimin dhe arrestimin e drejtuesit të mjetit. Materialet i kaluan Prokurorisë për veprime të mëtejshme.