Një aksident ka ndodhur mbrëmjen e sotme në By Pass-in e ri të Beratit. Një automjet tip Mercedes Benz ka humbur kontrollin dhe për pasojë është përplasur me shtyllën elektrike, duke kapërcyer edhe trotuarin. Nga përplasja e fortë mjeti ka përfunduar në murin e një banese.
Si pasojë e përplasjes,automjeti është shkatërruar totalisht në pjesën ballore, ndërkohë që drejtuesi i mjetit, 58 vjeç ka shpëtuar mrekullisht dhe ka dalë pa lëndime nga makina.
Përplasja e mjetit me shtyllën elektrike ka sjellë dëmtime në sistemin e ndriçimit të të gjithë aksit të rrugës dhe për të riparuar defektin në zonë kanë shkuar një ekip elektriçistësh të OSHEE-së.
Pas aksidentit, në vendngjarje kanë shkuar ekspertë të policisë rrugore që po këqyrin zonën për të bërë zbardhjen e plotë të aksidentit.