Kryetari i Bashkisë Mat Agron Malaj u shpreh sot, në dy vjetorin e marrjes së detyrës si drejtues i kësaj njësie vendore se:“kjo është detyra më e rëndësishme dhe më e bukur e jetës time.”
Ai përmend në postimin e tij në rrjetet sociale, të gjitha investimet e kryera në këtë njësi vendore dhe premton se: “Shumë punë na presin përpara dhe unë kam energjinë dhe dashurinë e duhur për ti cuar përpara.”
Postimi i Agron Malaj:
Dy vjet më parë populli matjan më besoi detyrën e Kryetarit të Bashkisë. Padiskutim kjo është detyra më e rëndësishme dhe më e bukur e jetës time.
Gjatë këtyre dy viteve jam përpjekur cdo ditë të bëj më të mirën për popullin matjan, për rritjen e cilësisë së shërbimeve në komunitetit, për zhvillimin e qytetit, për thithjen e investimeve dhe për ndërtimin e një të ardhmje më të mirë për fëmijët tanë.
Në këto 24 muaj kemi bërë shumë punë në riparim dhe ndërtim ujësjellësash dhe kanalesh vaditëse, investime në infrastrukturë, rikualifikim urban të sheshit të qyetit dhe shesheve kryesore në Njesi Administrative, rikonstruksione dhe ndërtim shkollash dhe kopshtesh, shtim hapësirash publike dhe pastrim territori.
Shumë punë na presin përpara dhe unë kam energjinë dhe dashurinë e duhur për ti cuar përpara, por dhe përgjegjsinë që më vjen nga mbështetja Juaj.
Shërbimi ndaj #Matit është nderi më i madh i jetes time dhe do përpiqem që këtë shërbim të vijoj ta bëj me zemër dhe përgjegjsi të lartë.