Në mjediset e Bashikisë Mat është organizuar sot një ceremoni disi e veçantë. Kryetari i kësaj bashkie, Agron Malaj ka vlerësuar me titullin e “Mirënjohjes” specialistë dhe punëtorë të zakonshëm, të cilët kanë punuar për dekada në fusha të ndryshme.
“Bashkia Mat, nuk mund të linte në harresë kontributin dhe sakrificat e këtyre njerëzve të thjeshtë, punëtorë, duarartë. Eshtë hera e parë që ne organizojmë një ceremoni të tillë, por kjo duhet të kthehet në traditë, pasi mundi dhe djersa e çdo matjani, që punon dhe kontribuon për vendlindjen, meriton vlerësim dhe mirënjohje”.-tha Malaj.
Të emocionuar, ish punonjësit Rifat Pasha, Zenel Kuka, Nderim Marqeshi, Lumbie Kuleni, Shegë Bushati, Qazim Beqiri, Adem Çupi, Zeqir Ruçi, Arif Gjini, Rifat Progja, Ferit Gjika dhe Rifat Isaku, thanë se edhe pse kanë dalë në pension, do të jenë pranë qytetarëve për të dhënë kontributin e tyre modest në të mirë të komunitetit.
