Sot ministrja e Shëndetësisë Ogerta Manastirliu ka pubiblikuar emrat e disa infermierëve dhe mjekëve që kanë sfiduar acarin e pazakontë dhe u janë ndodhur pranë njerëzve në nevojë.
Sipas saj në Bulqizë e Theth personeli shëndetësor është treguar i gatshëm për t’iu përgjigjur emergjencave shëndetësore, paçka se temperaturat kanë shënuar -15 gradë.
Postimi i Manastirliu:
Kushtet ekstreme të motit në -15 gradë celsius në fshatin e thellë malor Bllacë në Bulqizë, nuk e kanë penguar infermiere Fiqireta Skarrën të shërbejë në banesë, për ata që kanë nevojë.
Si Fiqeretja, infermiere Nurie Xheka në fshatin Gjuras në Shupenzë, Kliton Shpati në Theth, mjekët dhe infermierët tanë janë në gatishmëri në të gjithë vendin në këto ditë të motit ekstrem, për t’iu përgjigjur emergjencave shëndetësore.