Duke filluar nga data 1 nëntor, në kalendarin kombëtar të vaksinimit do të përfshihet kryerja e vaksinës HPV.
Ministrja e Shëndetësisë, Ogerta Manastirliu, gjatë Pink-Talk” një aktivitet i Ministrisë së Shëndetësisë dhe Mbrojtjes Sociale me gratë që e kanë fituar betejën me kancerin e gjirit dhe mjekëve tregoi se vaksinimi do të nisë muajin tjetër.
“Unë jam e gëzuar të them se duke filluar nga data 1 nëntor, ne në Shqipëri, për të parën herë përfshijmë në kalendarin tonë të vaksinimit vaksinën kundër humanpapillomavirusit. Kemi punuar gjatë për të arritur këtu dhe fakti që një vaksinë kaq efektive është dhe ne tashmë kemi mundësi që vajzat tona ti vaksinojmë dhe të garantojmë që deri në 100%, që nuk do t’i prekë kanceri i qafës së mitrës, është një fitore, fitore padyshim e shkencës, por është një fitore e cila ne sjellim në këtë betejë të përditshme kundër sëmundjes dhe pikërisht kundër tumorit të qafës së mitrës”, tha Manastirliu.