Italia është pothuajse e kualifikuar për Euro 2020. Të kaltrit e Roberto Mancinit kryesojnë me 18 pikë të plota në grupin J, ndërsa dy ndeshjet e radhës janë kundër Greqisë dhe Liechtenstein, me 12 dhe 15 tetor.
Sportmediaset raporton se Mancini po mendon të rikthejë Daniele De Rossin në kombëtare. Dueli kundër Greqisë zhvillohet në “Olimpico” dhe ish-romanisti e meriton të jetë i pranishëm në këtë sfidë në stadiumin e tij.
Mancini dëshiron t’i dhurojë një ndeshje lamtumirë De Rossit në stadiumin ku kaloi një jetë. Një vlerësim i rëndësishëm për një lojtar po kaq të rëndësishëm, ndërsa nuk përjashtohet mundësia që në të ardhmen lojtari i Bocës të bëhet pjesë e stafit teknik të Mancinit në kombëtare.