Ministri Ulsi Manja ka filluar punën si i dërguar politik i PS për qarkun e Lezhës. Dje ai ka zhvilluar dhe takimin e parë me Asamblenë Socialiste teksa është shfaqur në krah të kryebashkiakut Pjerin Ndreu.
“Në parti ka mendime të ndryshme dhe PS e ka në ADN e saj diversitetin e mendimit, por pas këtij riorganizimi në territor, ne do të jemi më të fortë dhe gati për të fituar sfidën elektorale të zgjedhjeve vendore në 2023: Bashkitë e qarkut Lezhë, ku punët e mira që kemi bërë në dobi të komunitetit në këto bashki deri tani, janë garancia e parë e fitores tone”, tha Manja.