Qeveria e Maqedonisë së Veriut vendosi të ulë çmimet e 50 produkteve ushqimore, me qëllim për të mbrojtur qytetarët.
Në mesin e produkteve bazike që do të shiten më lirë janë buka, mishi, qumështi dhe nënproduktet e tij, frutat dhe perimet. Këtyre produkteve bazike do t’iu vihet etiketa “çmim i garantuar” dhe do të shiten 10 për qind më lirë sesa deri tani, duke filluar nga 20 shtatori deri më 30 nëntor.
Ministri i Ekonomisë i Maqedonisë së Veriut, Kreshnik Bekteshi, tha se qeveria u detyra të marrë masa për ndryshimin e çmimeve të produkteve bazike, pasi gjeti dallim të madh të çmimeve të tyre në tregjet botërore me ato vendase.