Kryeministri Edi Rama i është përgjigjur dhe deklaratave të presidentit Ilir Meta lidhur me marrëveshjen për detin me Greqinë. Ai thotë se kreu i shtetit duhet të qëndrojë i qetë pasi nuk është rasti për të bërë rafting me Kushtetutën.
“Presidentin e dimë nuk ka nevojë të na e përsërisë, këtë e dimë, ajo që nuk dimë është që në radhë të parë presidenti duhet të informohet mirë e në vend se të thotë për cfarë është, të bëjë atë që duhet të bëjë, e të mos ngatërrojë Kushtetuten e Shqipërisë me të drejtën e detitit të Greqisë, që buron nga konventa ndërkombetarë e mos të hedhë fjalë. Se këtu për fat të mirë të Kushtetutës,Presidneti nuk ka lidhje fare, se nuk hyn Kushetuta shqiptare në të drejtën e vendit fqinj. Si kanionet e Skraparit, ka shkëmbinj nga dy anë e në mes rrjedhë ujore, konventa u ka dhënë të dy shkëmbinjve të marrin nga ajo rrjedhë ujore, të marrin milje në mënyrë të barabartë. Presidenti të jetë shumë i qetë se nuk është rasti për të bërë rafting me kushtetutën dhe një cështje të marrëdhenieve ndërkombëatre dhe të fqinjësisë së mire”- tha Rama.
