Kryeministri Edi Rama ka ndarë pamjet e një shkollë të ndërtuar, duke u shprehur i mahnitur për punën e bërë nga ekipi teknik. I mbetur pa fjalë, Rama ka zgjedhur që të përdorë fjalën “marshAllah”, frazë që do të thotë “çfarë ka dashur Zoti” dhe përdoret për të shprehur vlerësimin, gëzimin, lavdërimin ose mirënjohjen për një ngjarje apo person.
Përdorja e fjalës, nuk u ka shpëtuar komentuesëve të tij, të cilët menjëherë, me “shpatë në dorë” i kanë kërkuar llogari se përse nuk përdorte fjalë shqipe. Sigurisht që replikat nuk kanë munguar as nga ana e kryeministrit, i cili edhe njëherë ka përmendur “aftësitë” e tij në gjuhën shqipe.
PJESË NGA KOMENTET:
Komentuesi: Një pyetje kam për ju zoti kryeministër, përse në fjalorin tuaj përdorni shumë fjalë turke, mos vallë mungojnë në shqip? Përgëzime për punën që po bëni.
Edi Rama: E para nuk përdor shumë dhe e dyta kur i përdor ato që përdor e bëj sepse më pëlqen tingulli i tyre në një kontekst të caktuar, siç më pëlqen shumë kjo shkolla për shembull në këtë rast! Prandaj ma bëj hallall.
Komentuesi: Je kryeministër i vendit, dreqi ta marrë shprehu si të takon në gjuhën letrare se s’na plasi fare se ku m***n beson në Allah, në Krisht, kjo është më e paktëa që duhet të bësh të shprehësh në gjuhën letrare të gjuhës shqipe.
Edi Rama: Gjuhën letrare e kam merak vetë, shqipen e kam dashuri që s’ma diskuton dot askush, ndërkohë që librat e shenjtë janë për të gjithë, jo vetëm për besimtarët, kulturë quhet ndryshe! Kurse lodrat me gjuhën si ky marshalahu, s’mi ndalon dot ti. Mos u mërzit.