Ministrja e Shëndetësisë Ogerta Manastirliu ishte sot me ekipet e reja të epidemiologëve të Tiranës. Gjatë një prononcimi, ajo tha se me hapjen e shkollave qëllimi është forcimi i gjurmimit dhe hetimit epidemiologjik për të izoluar në kohë çdo vatër të re.
Manastirliu po ashtu bëri të ditur se janë rritur me 30% ekipet e epidemiologëve dhe ndihmës epidemiologëve, kjo si pjesë e planit të vjeshtë-dimrit për përballimin e situatës.
“Hapja e shkollave duhet të shoqërohet me rritje të kapaciteteve qoftë sa i përket gjurmimit, hetimit epidemiologjik dhe testimit. Lufta me këtë virus nuk ka përfunduar. Jemi përpara hapjes së shkollave, bashkëpunimi me koordinatoret e shkollave, mjekëve infermierëve do të luajë një rol të shtuar në strategjinë e testimit dhe gjurmimit të rasteve.
Lufta e madhe është në terren me këtë virus dhe rritja e kapaciteteve influencon në një rezultat pozitiv të atij imapkti që ne presim, që është ulja e të prekurve nga covid 19”, tha ndër të tjera ministrja.