Mbrëmë në qytetin e Burrelit u organizua Festivali i Këngës për Fëmijë. Ky event kulmoi në ditën e parë të festimeve në kuadër të 100 vjetorit të themelimit të Bashkisë Mat si njësi administrative e Nënprefekturës së kësaj krahine.
Festivali i Këngës për Fëmijë në Burrel u përgatit nga Qendra Kulturore Fëmijëve Mat dhe Bashkitë Mat e Klos.
Në përfundim u shpërndanë 8 çmime. Vendin e parë e fitoi nxënësja e shkollës “31 Korriku” Burrel Lorela Muho dhe atë ia dorëzoi kryetari i Bashkisë Mat Agron Malaj.
Kryebashkiaku falenderoi të gjithë fëmijët pjesmarrës në këtë aktivitet të veçantë, muzikantin Shefqet Merra si dhe Qendrën Kulturore të Fëmijëve Mat.
Festivali u organizua në qytetin verilindor pas 30 vitesh ndërprerje.
Festimet në qytetin e Burrelit do të vijojnë edhe sot e nesër me veprimatari të larmishme.
