Gjykata e Rrethit Gjyqësor Mat vendosi sot të dënojë 14 persona të akuzuar për prishje të materialeve zgjedhore në KZAZ 16 e 17, në Qershor të vitit 2019.
Këtë të Hënë gjykata ka dënuar 4 persona me punë në komunitet dhe 6 me shërbim prove nga 2 deri në katër vite. 4 persona të tjerë janë dënuar nga gjykata me nga 6 muaj deri në 2 vite e gjysëm burg.
Deputetja e PD-së Dhurata Çupi dhe kryetari i Partisë Demokratike Mat, Arjan Lika e cilësuan këtë vendim si të padrejtë dhe të motivuar politikisht. Ata u shprehën se vendimi i gjykatës do të apelohet pasi protesta ishte e drejtë qytetare.