Bashkia Mat po tregon kujdes të veçantë për simbolet e Luftës Antifashiste Nacionalçlirimtare. Janë sistemuar dhe lyer lapidarët e rënëve në luftë ndërkohë ditët e fundit punonjësit e Ndërmarrjes së Shërbimeve Bashkiake janë përqëndruar në varrezat e dëshmorëve të Matit.
Varrezat dhe të gjitha mjediset e tjera janë lyer e meremetuar, janë mbjellë pemë të reja dhe po dekorohet i gjithë mjedisi.
Qyteti i Burrelit është dekoruar mjaft këndshëm, ndërkohë bashkia ka vendosur që për nder të këtyre dy datave historike të mbahen ceremoni zyrtare, të vlereësohen figura të njohura të trevës, të bëhen homazhe pranë varrezave të të rënëve si dhe të organizohet një panair i madh në sheshin “Ahmet Zogu”, pranë godinës së bashkisë. /tirananews.al/
