Policia e Klosit ka ndaluar një 35-vjeçar i cili akuzohet për dhunë ndaj bashkëjetueses së tij e cila është një shtetase greke me inicialet, A.V . 35-vjeçari i vënë në pranga është banor i qytetit të Klosit.
Në informacionin e policisë bëhet me dije se si pasojë e dhunës së ushturar, A. V. ka tentuar te vrasë veten duke konsumuar medikamente helmuese, por tani ajo ndodhet nën kujdesin e mjekëve në spitalin e qytetit verior.
Informacion
Ushtroi dhunë fizike dhe kanosi për jetën bashkëjetuesen e tij, kapet dhe ndalohet 35-vjeçari.
Nga specialistët për Hetimin e Krimit në Komisariatin e Policisë Mat, u bë kapja dhe ndalimi i shtetasit T. S., 35 vjeç, banues në Klos, Mat pasi në banesë ka ushtruar dhunë fizike dhe ka kanosur për jetën bashkëjetuesen tij A. V., (shtetase greke).
Si pasojë e dhunës shtetasja A. V., ka tentuar vetëvrasjen duke konsumuar medikamente helmuese e cila po trajtohet me ndihmë mjekësore në spital në Tirane.
Materialet procedurale në ngarkim të shtetasit T. S., i kaluan Prokurorisë pranë Gjykatës së Shkallës së Parë Mat, për veprat penale “Dhunë në familje”, “Shkaktim i vetëvrasjes”, mbetur në tentativë.