Tërmeti i 26 nëntorit bëri që institucionet në të gjithë vendin të anullojnë veprimtaritë e tyre, duke u fokusuar te qytetarët e prekur nga kjo fatkeqësi nëtyrore.
Këshilli Bashkiak i Matit vendosi disa ditë para tërmetit të nderonte me tituj nderi disa nga figurat më të njohura të kësaj treve. Këto vendime lidheshin me 75 vjetorin e Çlirimit të vendit nga pushtuesit e huaj.
Mbreti Ahmet Zogu u nderua nga këshilli me titullin “Krenaria e Matit”, duke marrë në konsideratë kontributin e tij që më 28 nëntor 1912 dhe në shtetformim.
Me titullin “Qytetar Nderi” u vlerësuan inxhinieri dhe drejtuesi në pushtetin vendor Hamdi Beshku, mësuesit e njohur Esat Sula, Natasha Ballabani, Esat Ruçi e Ramis Mara, inxhinieri i pyjeve Mehmet Rami, historiani Sefer Duka, stomatologu dhe sindikalisti Petrit Frangu, mjeku Zyber Pupla dhe veterineri Selman Kurti, me motivacionin: “Për kontrubut të shquar profesional në shërbim të komunitetit të trevës së Matit”. Mësohet se titujt do të shpërndahen me ceremoni në fillim të vitit 2020. /tirananews.al/