Zero raste me Covid 19 në rrethin e Matit, shërohet 16 vjeçarja nga fshatit Batër e Vogël, njësia administrative Komsi.
Burime pranë drejtorisë Vendore të Shëndetit Publik Mat i thanë tirananews.al se dje janë ridërguar për analiza 11 tamponë, kryesisht të familjes ku u konstatua rasti i parë me koronavirus në rrethin e Matit, përfshirë edhe vajzën që erdhi nga Fushë Krujë e infektuar.
“Të gjitha analizat kanë rezultuar negative, thanë zyrtarë të DVSHP Mat. Dje dërguam në laborator 11 kampionë dhe për fat të mirë nuk rezulton të kemi probleme si rreth. Por, kjo nuk do të thotë se qytetarët dhe strukturat shtetërore nuk duhet të zbatojnë protokollet e Ministrisë së Shëndetëisë”.