Policia e Mallakastrës ka vendosur në pranga 57-vjeçarin Muharrem Brahimaj, pasi akuzohet për armëmbajtje pa leje.
Burime zyrtare të uniformave blu bëjnë të ditur se nga informacionet e marra në rrugë operative, kanë konstatuar se 57-vjeçari Brahimaj, në banesën e tij në fshatin Kash, kishte një armë zjarri pushkë.
Kësisoj është bërë i mundur arrestimi i tij.
Njoftimi i Policisë:
Mallakastër
Goditet një rast i armëmbajtjes pa leje.
Posedonte armë zjarri në banesë, vihet në pranga 57-vjeçari.
Në pranga edhe një 22-vjeçar në Divjakë për mbajtje pa leje të armëve të ftohta.
Në vijim të punës për parandalimin, evidentimin dhe goditjen e veprimtarisë kriminale në fushën e armëmbajtjes pa leje, bazuar në informacionet e marra në rrugë policore se një shtetas dispononte armë zjarri në banesë, shërbimet e Policisë kanë organizuar punën për kapjen e tij.
Gjatë kontrollit të ushtruar nga shërbimet e Policisë, në fshatin Kash, në banesën e shtetasit M. B., u gjet dhe u sekuestrua në cilësinë e provës materiale, një armë zjarri pushkë.
Në vijim të veprimeve, nga specialistët për Hetimin e Krimeve në Komisariatin e Policisë Mallakastër u bë arrestimi në flagrancë i shtetasit M. B., 57 vjeç, për veprën penale “Mbajtja pa leje e armëve dhe municionit luftarak”.