Futbollisti i Iranit, Amir Nasr-Azadani është dënuar me varje për shkak se mbështeti protestat për të drejtat e grave në vendin e tij.
Ekzekutimi i tij pritet të ndodh në njërin prej shesheve të Iranit
Unioni i futbollistëve ka reaguar i tronditur nga ky lajm.
“FIFPRO është e shokuar dhe e tronditur nga raportet që futbollisti profesionist Amir Nasr-Azadani do të përballet me ekzekutim në Iran pasi që bëri fushatë për të drejtat e grave dhe liritë bazë njerëzore në vendin e tij. Bëjmë thirrje për anulimin e menjëhershëm të dënimit”, thuhet në deklaratën e FIFPro.