Pritshmëritë për një vit të mbarë të turizmit për 2024, duket se kanë dhënë sinjalin e parë që në muajin Janar i cili ka thyer rekord sa i përket numrit të turistëve të huaj.
Sipas publikimit të fundit të INSTAT numri i vizitorëve të huaj ka pësuar rritje të ndjeshme në janar të këtij vitit duke shënuar mbi 112 mijë turistë më shumë se e njëjta periudhë e një viti më parë.
INSTAT raporton se numri i shtetasve të huaj që kanë hyrë në territorin shqiptar është rreth 489 mijë, duke u rritur me 29,8 %, krahasuar me mujain janar, të 2023, që ishin 377 mijë, duke tejkaluar kështu edhe shifrat e vitit të cilësuar si vitit më i mirë për turizmin. Në Janar 2024 rajoni me numrin më të lartë të hyrjeve të shtetasve të huaj në Shqipëri është rajoni i Europës me mbi 475 mijë ku mbizotërojnë vizitorët nga Europa Jugore.
Pasuar nga turistët nga Amerika me më shumë se 8800 vizitorë dhe Azia Lindore dhe Paqësori, me 2.157 shtetas.