Konferenca e Kryetarëve rrëzoi kërkesën e tretë të opozitës për ngritjen e një Komisioni Hetimor për parandalimin e konfliktit të interesit për abuzimet me fondet publike.
Më herët mazhoranca refuzoi edhe dy kërkesa të opozitës për ngritjen e Komisioneve hetimore për rrjedhjen e të dhënave të qytetarëve nga sistemi TIMS si dhe një tjetër për koncensionin e sterilizimit.
Seanca e nesërme plenare nuk do të ketë të pranishëm 8 deputetë pasi në javën që lamë pas bllokuan Foltoren e Kuvendit. Komisioni i Edukimit me propozim të mazhorancës, përjashtoi për 10 ditë 8 deputetë.