Kryetari i Bashkisë Mat Agron Malaj ka mbledhur sot anëtarët e Shtabit të Emergjencave Civile pas tërmetit të mbrëmshëm. Kryebashkiaku Malaj thekson se grupet e punës janë në çdo njësi administrative dhe po evidentojnë të gjitha rastet problematike.
“Tërmeti i mbrëmjes së djeshme ndonëse me epiqëndër në Xibër, Klos, u ndje shumë edhe në Mat e në të gjithë vendin. Deri tani në Bashkinë Mat janë evidentuar 67 objekte banimi dhe 7 objekte të institucioneve që kanë pësuar dëmtime të lehta në plasaritje. Anëtarët e Shtabit të Emergjencave Civile janë në gatishmëri të plotë dhe në shërbim të banorëve që mund të kenë probleme. Grupet e punës janë në çdo Njësi Administrative dhe po evidentojnë të gjitha rastet problematike”, deklaron Malaj.