Ende nuk është dërguar asnjë kandidat në Kuvend duke bërë që edhe raundi i dytë të votimit në parlament të ezaurohej formalisht në pak minuta.
Këtë herë, kryeministri Rama ia ngarkoi fajin opozitës për këtë dështim. Ndërsa opozita akuzon maxhorancën se ka prishur marrëveshjen, pasi ka parë se kandidatët e tyre nuk mund të josheshin.
Sot në mesditë pritet të mblidhet konferenca e kryetareve, që do të vendosë për datën e mbajtjes së raundit të tretë të zgjedhjes së presidentit.
Enkeljed Alibeaj konfirmoi se ai do të marrë pjesë në këtë mbledhje për të kërkuar sërish përgjigje nga maxhoranca nëse i qëndron dakordësisë së arritur në negociata.
Edhe në këtë raund opozita ka të drejtën e propozimit të kandidatit sipas marrëveshjes mes të dyja palëve. Në rast të kundër maxhoranca ka deklaruar se do ta zgjedhë vetë presidentin e ri.