Mjafton një javë pa përdorur tabletin apo telefonin para se të flenë për të rregulluar gjumin tek adoleshentët që çrregullohet nga valët blu të prodhuara nga pajisjet. Këtë e konfirmon një studim i Shoqërisa Evropiane të Endokrinologjisë në Lion të Francës.
Studiuesit e “Netherlands Institute of Neuroscience” kanë studiuar një grup prej 55 adoleshentësh që kalonin më shumë se katër orë në ditë para ekranit dhe i zinte gjumi rreth 30 minuta më vonë dhe me shumë mundësi të zgjoheshin gjatë natës.
Për këtë eksperiment u është kërkuar 25 përdoruesve të shpeshtë të vendosin syze që bllokojnë dritën blu dhe të shmangin ekranin në darkë për rreth dy javë. Vetëm pas shtatë ditësh thonë autorët e studimit, ritmi i gjumit është rregulluar dhe është bërë njësoj si përdoruesit sporadikë.
“Ajo që kemi treguar është që problemet e gjumit mund të zgjidhen lehtësisht duke minimizuar ekspozimin në mbrëmje ndaj dritës blu të ekranit”, shpjegojnë autorët.
Ndërkohë një tjetër studim i universitetit të Alberta konfirmon se fëmijët 5 vjeç që shohin televizor apo smartphone më shumë se dy orë, kanë një rrezik gjashtë herë më të lartë që të kenë shpërqendrim në kopësht.