Sot përfundon raundi i dytë i pranimeve në programet e studimit për në Universitetet. Regjistrimi për në fakultet për ata që janë shpallur fitues të raundit të dytë, do të bëhet në datat 3-12 tetor.
Ditën e nesërme do të bëhet renditja e tyre në U-Albania, ku të gjithë maturantët që nuk kanë fituar në këtë raund të dytë, do të shikojnë se sa afër apo sa larg janë vijës së kuqe. 9300 maturantë janë në garë në këtë raund të dytë në të gjitha universitetet publike, ndërkohë që regjistrimi fillon më 3 tetor.
Do të kenë një ditë ku do të kenë mundësi të bëjnë ankimimin që do të jetë data 1 tetor, ndërkohë që me fillimin e javës tjetër ata do të nisin regjistrimin fizikisht pranë sekretarive mësimore ku janë shpallur fitues. Në këtë raund të dytë, regjistrimi nis nga data 3-12 tetor. Do të ketë 5 faza ky raund i dytë i cili ndahet në 48 orë.