Deputetja e Partisë së Lirisë, Monika Kryemadhi tha për gazetarët se seanca e sotme plenare ka treguar se në Kuvend ka vetëm diktaturë. Sipas saj nga çështja “McGonigal”, kryeministri Edi Rama nuk ka shpëtim. Po ashtu Kryemadhi dha një lajm, se do do vijnë marshallët dhe do ta çojnë Ramën para drejtësisë.
“Sot nuk isha pasive, isha vëzhguese. S’mbaj mend kur është deleguar ndonjë interpelancë, po ne jemi mësuar kur ai delegon firmën, ai as projektin e Durrësit se ka firmosur vetë. Qesharake është se mazhoranca edhe nëse dikur kishin ndopak tru, sot i ka humbur fare.
Rama s’i shpëton dot gransupirës, do i vijnë marshallët e prokurorët do e çojnë para drejtësisë. Tashmë topi është në derën e SPAK”,-tha Kryemadhi.