Nga 16 janari deri më 1 shkurt, Rusia dhe Bjellorusia do të mbajnë stërvitje të përbashkëta ushtarake. Në stërvitje do të përfshihen divizionet e ajrit nga të dyja vendet.
“Sot, një komponent i aviacionit nga forcat ushtarake të Federatës Ruse mbërriti në Republikën e Bjellorusisë. Gjatë stërvitjes taktike për fluturime do të përfshihen të gjitha fushat ajrore dhe terrenet stërvitore të forcave ajrore dhe të mbrojtjes ajrore të forcave të armatosura të Bjellorusisë”,-thuhet në njoftimin për mediat.
Kjo nuk është hera e parë që ushtarët rusë zhvendosen në Bjellorusi për t’u stërvitur ndërkohë që lufta, e nisur në shkurt të vitit të shkuar në Ukrainë, vijon.