Policia e Tiranës ka prangosur një 30-vjeçar, i cili lëvizte i armatosur me pistoletë të mbushur gati për qitje.
Ai rezulton i dënuar edhe më parë për armëmbajtje pa leje dhe për vjedhje me dhunë.
Po ashtu u vu në pranga dhe shoku i tij, për moskallëzim krimi.
Gjatë operacionit, shërbimet e Policisë kanë kapur në flagrancë në rrugën “Ibrahim Rugova”, 30-vjeçarin duke lëvizur me këmbë, me 1 armë zjarri pistoletë me fishek në fole, që e mbante në brez.
Po ashtu u sekuestrua pistoleta me municion luftarak.