Në Itali u arrestua një shqiptar 36-vjeçar nën akuzën e shitjes së lëndëve narkotike, posedimit të armëve të zjarrit dhe për shfrytëzim prostitucioni. Sipas mediave italiane, shqiptari i arrestuar është Kostandin Zama. Ai u arrestua nga karabinierët në zonën e Puno-s.
Shqiptari teksa ka pikasur policinë e cila po shkonte drejt shtëpisë ku jetonte, ka hedhur nga dritarja 20 gram kokainë dhe një peshore elektronike. Gjatë kontrolleve në makinën që ngiste shqiptari, u gjetën edhe doza të tjera kokaine si dhe disa çelësa, ku njëri prej tyre ishte i një apartamenti në Bergamo.
Pas hetimeve të kryera për këtë rast, autoritetet zbuluan se kjo shtëpi ishte përdorur më parë nga një person tjetër, i cili ishte arrestuar për favorizim prostitucioni. Ndërkohë atij iu gjet dhe sekuestrua në cilësinë e provës materiale një pistoletë dhe nëntë fishekë.