Ish-kryeministri Sali Berisha është ndalur këtë të martë në Peshkopi, ku nisi një takim me demokratët në foltoren e radhës, e cila po mbahet në Pallatin e Kulturës.
Dhjetëra anëtarë të PD-së dhe simpatizantë janë mbledhur para ambientit të Pallatit të Kulturës, duke pritur me tupana ardhjen e ish-liderit, Sali Berisha. Ai shihet i shoqëruar nga deputeti Flamur Noka dhe anëtarë të Partisë Demokratike të këtij qyteti. Në takim ka munguar Xhelal Mziu.