Mbrëmjen e së shtunës janë shoqëruar në komisariat Deizi Arapi dhe shtetasi Marsel Buçi, të përfshirë në konflikt për djegien e makinës së këtij të fundit. Po ashtu mësohet se shefi i Krimeve në komisariatin e Devollit është vënë nën hetim për veprën “kryerja e veprimeve arbitrare”.
Gjatë konfliktit në komisariat mes palëve, familjarët e Marselit kanë telefonuar deputetin demokrat Bledjon Nallbati, i cili ka qenë prezent në ambientet e jashtme të komisariatit për t’u interesuar për ngjarjen.
Sipas burimeve nga policia, Marsel Buçi pretendon se shefi i krimeve e ka goditur në zyrë, ndërsa është bërë ankesë pranë AMP-së e cila po bën hetime lidhur me këtë rast.
Shefi i krimeve është pezulluar për 3 ditë deri sa të vendoset përfundimisht nga hetimet nëse do të ketë shkelje të tij apo do të rikthehet në punë.