Përgjegjësja e çështjeve Shoqërore pranë paraburgimit të Vlorës ka kallëzuar zv.drejtorin e institucionit Gentian Manellari. Ajo pretendon se Manellari i ka kërkuar 10.000 euro që të qëndronte në pozicionin që ishte.
Mësohet se F.C ka deklaruar se në datën 10 të këtij muaji, kanë qenë në një lokal në afërsi të fshatit Nartë, dhe në një moment sipas saj i kallëzuari i ka thënë “më jep mua 10.000 euro që të qëndrosh aty ku je”.
Ajo tregon se në fillim nuk i kushtoi shumë vëmendje kësaj kërkese, por tre ditë më pas i komunikuan zbritjen në detyrë, nga drejtuese në specialiste.