Aplikacioni quhet Bye Bye Camera për sistemin iOS dhe artisti që ka ndihmuar në krijimin e tij Damjanski thotë se është për “një botë post-humane”. Por pse post-humane? Sepse përdor inteligjencën artificiale për të hequr njerëzit nga fotot.
“Një shaka që ne e bëjmë gjithmonë është : më në fund, mund të bësh një selfie pa veten tënde”, thotë Damjanski për The Verge.
Aplikacioni kushton 2.99 dollarë në App Store, por edhe pse ka disa probleme, The Verge thotë se është një aplikacion gazmor. është i avashtë i heq njerëzit nga foto duke lënë një lëmsh në të. Për cilësi të mirë sigurisht që mund të përdorësh Photoshop, por thjesht për të kaluar kohën Bye Bye Camera është mjaft argëtues.
Damjanski thotë se fillimisht ai e ka parë aplikacionin si një mjet artistik, dhe argëtohet me gabimet që ai bën. Ndërsa në aspektin post-human ai thotë se është argëtues por aplikacioni të frymëzon për kërcënimet ndaj species sonë përsa i përket ndryshimeve klimaterike. “Ne menduam për të ardhmen kur njerëzimi nuk do të jetë më vërdallë. Një nga gjërat që unë pëlqej është se aplikacioni heq njerëzit, por mban hijen e tyre”, ka përfunduar ai.