Në pikën e kalimit kufitar të Muriqanit është ndaluar një 28-vjeçar nga Mitrovica pasi udhëtonte me pasaportë bullgare false.
Burimet zyrtare bëjnë të ditur se pasaporta nuk u kap nga pajisjet elektronike që përdoren për verifikimin e dokumenteve, por pas një kontrolli të imtësishëm u zbulua se ishte fals duke arrestuar të riun.
NJOFTIMI
Muriqan/Shkodër
Paraqiti pasaportë të falsifikuar në kufi, arrestohet në flagrancë 28-vjeçari.
Nga shërbimet e Pikës së Kalimit Kufitar Muriqan, në bashkëpunim me strukturat e DVP Shkodër, është arrestuar në flagrancë shtetasi E. J., 28 vjeç, banues në Mitrovicë, Kosovë.
Ky shtetas është paraqitur në Pikën e Kalimit Kufitar Muriqan, për të kaluar drejt Malit të Zi, me një pasaportë bullgare që nuk është njohur nga pajisjet elektronike që përdoren për verifikimin e dokumenteve.
Pas një kontroll të imtësishëm në vijën e dytë rezultoi se pasaporta që ka paraqitur ky shtetas ishte e falsifikuar.
Gjatë kontrollit, këtij shtetasi iu gjet edhe pasaporta kosovare, me të cilën u bë i mundur identifikimi i tij.
Materialet iu referuan Prokurorisë së Rrethit Gjyqësor Shkodër, për veprën penale “Falsifikimi i letërnjoftimeve, pasaportave ose vizave”.