Oficerja e Shërbimit Korrektues të Kosovës Floreta Bytyqi, e cila shërbeu në Qendrën Korrektuese në Lipjan ka ndërruar jetë gjatë ditës së djeshme.
Shërbimi Korrektues i Kosovës i ka shprehur ngushëllime familjes së saj.
Përmes një njoftimi SHKK-së shprehet se vdekja e Floretës është humbje madhe për këtë institucion, duke e marrë parasysh kontributin e saj.
“Me pikëllim të thellë morëm lajmin për ndarjen nga jeta të më të dashurës tuaj, e bashkpuntores tonë, Floreta Bytyqi. Floreta dha një kontribut të madh në Shërbimin Korrektues të Kosovës, prandaj humbja e saj është humbje e madhe për SHKK-në”.
Njoftimi i plotë:
E nderuar,
Familja BYTYQI
Me pikëllim të thellë morëm lajmin për ndarjen nga jeta të më të dashurës tuaj, e bashkpuntores tonë, Floreta Bytyqi.
Floreta dha një kontribut të madh në Shërbimin Korrektues të Kosovës, prandaj humbja e saj është humbje e madhe për SHKK-në.
Përkushtimi në punë dhe në secilën detyrë që i është besuar, dashuria për profesionin, bëjnë që Floreta të mbetet në kujtesën SHKK-së, të miqve dhe kolegëve.
Andaj, për shkak të pandemisë dhe pamundsisë për pjesëmarrje në varrim,Ju lutem që në emër të Shërbimit Korrektues të Kosovës dhe në emër timin, t’i pranoni ngushëllimet më të sinqerta.
Me respekt,
Nehat THAÇI