Tri infermieret e dyshuara për dhunën ndaj të moshuarës në Pejë kanë dalë sot para gjykatës.
Në videon e siguruar nga Klan Kosova dallohet momenti kur tre të akuzuarat futen në sallën e gjyqit.
Sulmi ndaj të moshuarës në qendrën “Orenda” në Pejë ka tronditur opinionin publik pas videos së publikuar dje në rrjet, ku një e moshuar shihej teksa dhunohej nga kujdestarja Aurona Pelaj, ndërsa koleget e saj qeshnin dhe filmonin skenën e rëndë.
Oda e Infermierëve të Kosovës ka vendosur që t’ua tërheqë licencën infermiereve që ishin të përfshira në rastin e rrahjes së të moshuarës në Shtëpinë e të Moshuarve “Orenda” në Pejë.