Një 21-vjeçar është arrestuar dhe dy të tjerë janë shpallur në kërkim nga policia në Lezhë, pasi dyshohet se kishin planifikuar të kryenin një vrasje.
Në pranga ka rënë shtetasi Mateo Dashi, dhe janë shpallur në kërkim Orgest Mehi dhe Gjon Martinaj.
Këta shtetas janë ndaluar mbrëmjen e kaluar nga policia në vendin e quajtur “Kryqëzimi i Fushë Kuqes”, Kurbin, dhe nga kontrollet në makinë u janë gjetur një armë zjarri snajper me precizion të lartë, me një krehër me fishekë në të dhe një çantë me fishekë të tjerë për këtë armë.
Sipas policisë këta shtetas ishin nisur për të vrarë dikë.
“Në vijim të veprimeve të thelluara hetimore për këtë rast, u vu në pranga shtetasi M. D., 21 vjeç, banues në fshatin Gurëz, Kurbin, si dhe u shpall në kërkim shtetasi Gj. M., 30 vjeç, banues në Fushë Kuqe, Kurbin, të dyshuar si bashkëpunëtorë të shtetasit O. H., 23 vjeç, banues në fshatin Gurëz, Kurbin (i shpallur në kërkim), për veprat penale “Sigurimi i kushteve dhe mjeteve materiale për të kryer vrasje” dhe “Prodhimi dhe mbajtja pa leje e armëve, armëve shpërthyese dhe municionit luftarak”.