Një nga momentet e qetësisë dhe relaksit është ajo me një gotë verë para dhe me një muzikë të mirë në sfond. Sa për këtë të fundit, duhet zgjedhur fiks sipas atmosferës për të shijuar sa më mirë verën.
Pikërisht për këtë është krijuar një aplikacion me “playlist” muzikore dhe që quhet Wine Listening.Projekti ka përdorur algoritmet e Inteligjencës Artificiale dhe analizat e Big Data.
Aplikacioni regjistron më shumë se 2.5 milionë verëra dhe katalogë të mbi 1600 llojeve të rrushit për aciditetin, strukturën dhe aromat. Për ta bërë funksional mjafton të fotografoni etiketën e verës dhe të hapni bokset e audios. Dy themeluesit e këtij app janë Gabriele Cedrone dhe Marco Iacobelli, njëri somelier dhe tjetri inxhinier telefonësh si dhe Dj dhe Producer.
Ky aplikacion prezantohet në 12 tetor në Internet Festival- Forme di Futuro në Pisa. Skuadra ka treguar se si frekuenca audio apo një këngë nëse dëgjohet gjatë degustimit të një pjate pao vere mund të alternojë parametrat e vlerësimit. Pra, mund të rise përqindjen e perceptimit të shijes ose e kundërta të ndikojë negativisht në karakteristikat shijuese, thuhet në një shpjegim.
Wine Listening ka digjitalizuar metodën “Spence” duke realizuar një algoritëm në gjendje të bashkëojë muzikën e duhur me verën që je duke pirë. Gjatë fazës së krahasimit sistemi analizon më shumë se 20 parametra që vijnë nga analzia organoeletrike e verës. Si metodë për të hyrë në shërbim app kërkon një llogari të lidhur me Spotify.