Pasi kanë shtënë në dorë Afganistanin, talebanët e rinj tashmë po bëjnë një jetë luksi. Ata, ndryshe nga paraardhësit e tyre janë fotografuar me veshje të shtrenjta.
Gjatë sundimit të tyre nga 1996 deri në 2001, talebanët ishin të njohur për veshjet e tyre modeste, tradicionale me mjekër të gjatë të rritur me kujdes. Por luftëtarët e sotëm, të cilët me shaka i quajnë ‘talebanët 2.0’, kujdesen shumë më tepër për pamjen e tyre.
Ndërsa luftojnë kundër ndikimit perëndimor dhe nuk i lejojnë gratë të dalin nga shtëpia, e lëre të vishen me rroba firmato, ata zgjedhin rroba për veten e tyre që nuk janë asgjë tjetër veçse modeste, shkruan Daily Mail.
Fotografitë nga Kabuli tregojnë se shumë prej tyre mbajnë syze dielli, veshje firmato, dhe disa madje janë rruar plotësisht. Atyre u pëlqen të pozojnë në pikat e kontrollit ose në rrugët e Kabulit.
